Aaj 8.20 baje subah maine kedarnath sadhna suru ki,1-2 minutes me hi kedarnath dham pahuchi vaha ek puliya ke pass bahut se sadhak ,energy guru ki aguaai me jama the.Puliya par karke kedarnath mandir pahuch gaye,vaha Nandi ji ko pranam kiya,aur garv grih me pahuchi,vaha jyoty ko pranam kiya,vaha bahut sare sadhakgan the jise mai sirf urjao ke roop me mahsoosh kar rahi thi,per energy guruji ko sakshat darshan huye,shivpujan vidhan purvak suru hua,jaisa guruji ne bataya tha vaise hi,puja suru hone ke kuch pal baad hi ek nila prakash punj dikha ek insan ki avyakt aakriti ke roop me,vo shivguru hi the,kyonki kabhi unka trishul,kabhi aankhe ,kabhi jataye mujhe dikhai padti rahi.energy guru ji ka jaap Shivarcjan chal raha tha ,shiv guru,guruji ke najdik khade the per pura nahi dikh rahe the,mai chah rahi thi ki mai shivguru ke sampurn darshan karu,us samay bhagvan shri ganesh bhi darshan diye jo puri puja tak upasthit rahe.Puja ke baad bramh kamal arpit karna suru hua tou mata maheswari muskurati huyi sunder roop me khadi thi,per shivguru abhi bhi avyakt hi the.
Pura kedarnath shivling brahm Kamal se susajjit hoker dhak gaya,bahut sunder drishya tha,usi samay jaise brahm kamal jaise safed prakash punj pure mandir me bhar gaya,aur bhagvan mahadev ab puri tarah se darshan diye mata mahesvari ke sath, vo dono itne bade the ki hum unke samne chote bacche jaise lag rahe the.Unse aashirvad lene ki abhilasha me maine haath jodker apna sir jukaker pranam kiya,tou jaise unhone kaha ki yaha jo safed urjaye faili hai vo tou mere hi aashirvad ki urja hai,fir bhi unhone apna haath aashirvad ki mudra me uthaya….Aisa karte hi meri ridh(रीढ) me ,mere muladhar se sir(सर) tak bijali ke current ki tarah urjaye spark karne lagi,sare chakro per khushnuma pressure aur vibrasion mahsoosh ho raha tha jo mujhe ati aanandit kar raha tha,aanand aur khushi se bibhor hoker mai uthi aur guruji sahit Shivguru aur mata maheswari ki parikrama karne lagi, maine kitni baar prikrama ki koi ginti nahi .,mai baithna nahi chah rahi thi.mera mantra jaap chal raha tha,per jaise ki Shivguru ne mujhe ankaha aadesh diya aur mai baith gayi,,,Baithne ke baad mere rid(रीढ)me jo bijli ki tarah spark ho raha tha vo nahi tha,uske jagah rang- virangi ,har tarah ki roshni vaha se nikal fail rahi thi aur mere brahm chakra per,brahm kamal ke shape me ek safed prakash punj tha. Mai itni aanandit thi ki mere aankho se aanshu bah rahe the jo mere sthul sarir se bhi aanshu gir rahe the ye maine baad me mahsoosh kiya.
Shiv guru ne mujhe man me kaha ho jaise meri puja ho gayi,tab jo abhi tak mai sabse aage thi shivling ke pass vo uthker sabse piche jaker baith gayi,mai vaha se jana nahi chah rahi thi,Shivguru ko niharte rahna chahti thi.Fir Guruji ne mujhe jane ka ishara kiya haath uthaker, Tab maine sabko pranam kiya aur uthker chali,uthker maine dekha ki kedarnath ke mandir ke prangan me mandir ki divare(दीवारे) adrishya ho gayi hain aur vaha lakho log shiv ji ki puja me tallin the,yeh drishya bada manmohak tha,charo taraf safed barf ki chadar jaisi bichi huyi thi,mantrocchar aur puja karte sadhak gan.🙏🏻💐
Maine mahsoosh kiya ki ye divare sardhaluo ki sankhya adhik hone ke karan hat gayi hain jo puja khatam hone ke baad yathavat,vaisi hi ho jayengi.
Na chahte huye bhi mujhe lautna pada,jab mai apne sthul sharir me pahuchi ,us samaye,8.04 baj raha tha
Gurudev ka koti koti dhanyavad 🙏🏻💐,aisi avisvamarniye sadhna karvane ke liye.🙏🏻💐Shiv guru ko dhanyavad, darshan deker mujh per daya- kripa karne ke liye, gurji mera anubhav aapki kripa se prapt hua,apni kripa banaye rakhiyega ,aise hi.sabhi ko Ram Ram ,dhanyavad